Эненин ыйык дешет тилек-үнү,
Эзилип тилеп келем күнү-түнү.
Эл уулу болор деген үмүтүм бар,
Эр жетип актайсыңбы сен үмүтүмдү?
Эр жетип айыктырып күйүтүмдү.

Кубанычым, кагылайын, карегимсиң,
Канымдан жаралган бир данегимсиң.
Мезгилсиз бул жашоодон өтүп кетсем,
Калтырар бул дүйнөгө белегимсиң,
Калтырар мурасымсың, сен тирегимсиң.

Дүйнөдө сен бар үчүн баарын жеңем,
Дүнүйөм баары түгөл сени менен.
Дүйнөдө теңдеши жок алтынымсың,
Дүйнөдө сен бар үчүн жашап келем.
Дүйнөдө сен бар үчүн жашай берем.

Комментарийлер (9)