Warning: ksort() expects parameter 1 to be array, boolean given in /var/www/super.kg/superstan/admin_secret/sources/classes/output/publicOutput.php on line 384 Warning: Invalid argument supplied for foreach() in /var/www/super.kg/superstan/admin_secret/sources/classes/output/publicOutput.php on line 387 Жарыгын чачса күн сулуу,
Жакшы сөз айтса тил сулуу.
Жабыккан жүрөк жазылса,
Жан дүйнөӊ сулуу дил сулуу.

Акылман сөзүн айтышса,
Кемпир да сулуу чал сулуу.
Калыстык менен башкарып,
Калкына жакса Хан сулуу.

Кубулжуп сезим ээритсе,
Созолонгон үн сулуу.
Бейпилдик берип жыргатса,
Капкараӊгы түн сулуу.

Көк асманга көрк берген,
Көгөрүп жаткан көл сулуу.
Күнөөлүү пенде силерди.
Көтөрүп турган жер сулуу.

Кадырлап барктап сүйүшүп,
Баш кошкон эки жар сулуу.
Жазында беймаал жаабастан,
Кышында жааган кар сулуу.
Эзелтен баатыр чыдамкай,
Эр жүрөк кыргыз Эл сулуу.
Аскасы асман тиреген.
Ала - Тоом сулуу жер сулуу.

Комментарийлер (1)