Дайыма болгум келет сени менен,
Бирок иш болуп турат чеги менен.
Эртеден кечке чейин эриктирбей,
Элесиң кошо жүрөт мени менен.

Кайырма:
Элесиң көзүмө алыстан көрүнөт,
Кыялым орундалчудай.
Алыссың, жарыгым, кыйноого кабылдым,
Сумсаям көңүл ачылбай.

Ой учкул, ушунчалык күлүк белең,
Оюмда чер жазышып күлүп келем.
Жүрөмүн жашап оюм ишке ашчудай,
Мендеги сага болгон үмүт менен.

Кайырма:

Ачылган жаз гүлүндөй төгүлөсүң,
Көзүмө эң бир сүйкүм көрүнөсүң.
Көзүңдөн айланайын жодураган,
Жаштыктын жадыраган гүлү сенсиң.

Кайырма

Комментарийлер (0)