Бар дүйнөнүн баарынан качып
Баратамын өзүңө шашып
Тосуп алчы кучагың ачып
Апа сени көргөнү келдим

Бүтпөйт экен тирүүлүктө иш
Көздү жумуп ачкыча күз кыш
Мээримиңе миң ирет алкыш
Апа сени көргөнү келдим
Апа апа апа сени көргөнү келдим

Бул өмүрдө баарысы жалган
Жүз каалоонун токсону арман
Менде убакыт сенде жок дарман
Апа сени көргөнү келдим

Түйшүк тартпа керек эмес чай
Өзүң барда көңүлдө жаз жай
Кызың чексиз бактылуу да бай
Апа сени көргөнү келдим
Апа апа апа сени көргөнү келдим

Жолум тосуп кел кызым дейсиң
Жакшыларга эл болгун дейсиң
Акылманым көлдөй го пейилиң
Апа сени көргөнү келдим

Сен гүлзарым сенсиң жакыным
Күндө келүү парзым асылым
Башымды ийип таазим кыламын
Апа сени көргөнү келдим
Апа апа апа сени көргөнү келдим
Апа апа апа сени көргөнү келдим

Источник: super.kg маалымат-маанайшат порталы (https://super.kg/mediaportal/audio/296212)

Окшош видеолор

Биздин дарек: Кыргыз Республикасы,
Бишкек шаары, Турусбеков 109/1,
Тел.: +996 312 88-24-00, portal@super.kg

p