Футбол боюнча Кыргыз курама командасынын башкы машыктыруучусу Александр Крестинин 14-апрелде журналисттерге маалымат жыйын өткөрдү. Алдыдагы беттештерди утурлай улуттук курамдын машыгуулары 1-июнда башталарын, Германиянын лигаларынын биринде ойногон 23 жаштагы Николай Давыдов кыргыз курамында ойноо үчүн паспорт жана ФИФАнын уруксатын алганын айтты. Жыйында “улуттук курамдын чабуулчусу Виталий Люкс карьерасын жыйынтыктадыбы?” деген суроого Крестинин “Азыр Виталий футбол чөйрөсүндө эмес. Карьерасын жыйынтыктаса ал өзү айтат...” деди.