Футбол боюнча Кыргыз улуттук курама командасынын чабуулчусу Гүлжигит Алыкулов тууралуу “Жига” аттуу даректүү тасма жарык көрдү. Тасмада Гүлжигит Алыкуловдун футболдогу карьерасы баяндалат. Даректүү тасма учурда Алыкулов ойногон алматылык “Кайрат” футболдук клубу тарабынан жарыяланды. “Кайраттын” башкы машыктыруучусу футболчунун өз алдынчалыгын жана жеңиш үчүн умтулган кайраттуу мүнөзүн баса белгиледи.