28-июнь, 1925-жылы Кыргыз автономиялык облусунун Аткаруу комитети облустук элге билим берүү бөлүмүнө чукул арада элдик дастандарды кагазга түшүрүү туурасында тапшырма берген

Кыргыз автономиялык облусунун Аткаруу комитети жаңыдан уюшулган облустук элге билим берүү бөлүмүнө чукул арада элдик дастандарды кагазга түшүрүү туурасында тапшырма берген. Аткаруу комитеттин адегендеги тапшырмасы ал убак үчүн жаңылык көрүнгөн үн жазуучу фонограф аппаратын сатып алууга арналган. Ал үчүн атайын комиссия уюшулуп, Кыргызстандын булуң-бурчтарынан элдик таланттар туурасында маалымат алынып, анын натыйжасында Сагымбай Орозбак уулунун айтуусунда "Манас" эпосунун жазуу иши башталган.   (100 жыл мурун)