28-сентябрь, 1857-жылы Батыш Сибирь генерал-губернаторунун жазганына караганда, “кыргыздардын көп сандуу сарыбагыш уруусу анын улуу даражалуулугу императордун өкүмүнө кирүүнү суранган”

Кыргыздардын Кокон хандыгына каршы нааразылык маанайы 1857-жылдын жаз жана жай айларында жогорку чегине жеткен. Чүй жана Фергана өрөөнүндөгү кыргыздар хандык бийликке каршы чыгып, ал акыры улуттук боштондук кыймылга айланган.

Чүй өрөөнүнүн кыргыздары хандыктын эзүүсүнөн кутулуп, келечек өнүгүү багытын Орусияга түздөй, аны менен жакындашуу максатында империяга элчилик жиберген. Батыш Сибирь генерал-губернаторунун 1857-жылдын 28-сентябрындагы жазганына караганда, “кыргыздардын көп сандуу сарыбагыш уруусу анын улуу даражалуулугу императордун өкүмүнө кирүүнү суранган”.