1-октябрь, 1928-жылы Фрунзедеги "Красный строитель" кыш заводунда жүргүзүлгөн текшерүүнүн жыйынтыгы болуп көрбөгөндөй шалаакылыктын бетин ачкан

Фрунзе шаарынын чет жакасында орун алган "Красный строитель" кыш заводунда жүргүзүлгөн текшерүүнүн жыйынтыгы болуп көрбөгөндөй шалаакылыктын бетин ачкан. Ишкана курулгандан берки эки жыл аралыгында жалаң чыгымга иштеген. "Красный строитель" чыгарган кыш сапатсыз жасалып, кардарлардын нааразычылыгын жараткан. Текшерүүчүлөр "ишканада карта оюну менен самогон сатуу күч алган" деп жыйынтык чыгарышкан.  (97 жыл мурун)