3-март -  Угууну жана кулактын ден соолугун коргоонун эл аралык күнү

Бүткүл дүйнөлүк саламаттыкты сактоо уюму 3-мартты Эл аралык угууну жана кулактын ден соолугун коргоо күнү деп жарыялаган. Бул күндө көптөгөн мамлекеттердеги медициналык жана ыктыярдуу уюмдар кулактын угуусу менен байланышкан маселелер жөнүндө калкка маалымат берет. Бүгүнкү күндө кулактын укпай калуусу майыптуулуктун эң кеңири тараган сенсордук формасы болуп саналат. Бүткүл дүйнөлүк саламаттыкты сактоо уюмунун маалыматына караганда, дүлөйлүктөн жана угуунун жабыркашынан дүйнөдө 360 миллионго чукул адам жабыркайт.