10-март, 1936-жылы ФИФАнын 8-президенти Йозеф Блаттер туулган

Ал 1956-жылы Лозанна университетиндеги юридикалык факультетти аяктап, Швейцариядагы спорт журналисттеринин ассоциациясынын мүчөсү болгон. 1964-жылы Йозеф Блаттер Швейцариядагы хоккейчилер ассоциациясынын генералдык катчысы болсо, 1972-жылы Мюнхенде өтүүчү Олимпиадалык оюндарга даярданууга жооптуу адамдардын бири болгон. Ал эми 1975-жылы ФИФАнын техникалык директору болуп, 1981-жылы анын генералдык катчысы болуп дайындалган. 1998-жылы болсо Йозеф Блаттер ФИФАнын президенттигине ат салышып, жеңип чыккан.

2015-жылы 29-майда Йозеф Блаттер Эл аралык футбол федерациясынын президенти болуп 5-мөөнөткө шайланып, ал эми 2-июнда кызматтан кете турганын жар салган.