Талас. Учурда облустагы айлык маянанын орточо көлөмү 8 миң 262 сом

2012-жылы Талас облусунда 2 миллиард 920 миллион сомдук азык-түлүк өндүрүлгөн. Мындан сырткары облуска 767 миллион сомдук инвестиция тартылган. Бул тууралуу өкмөттүн Талас облусундагы өкүлчүлүгү маалымдады. Өткөн жылы облуста өндүрүлгөн азык-түлүктөрдү экспорттоонун көлөмү 1 миллиард 384 миллион сомду түзүп, 2011-жылга салыштырмалуу 17,5 пайызга төмөндөгөн. Ал эми бүгүнкү күнгө карата облустагы айлык акынын орточо көлөмү 8 миң 262 сом болууда, бул 2011-жылга салыштырмалуу 524 сомго көп.