Эртең Бишкектин жана Чүйдүн айрым аймактарында жарык өчөт

Аба чубалгылары менен бир катар көмөк чордондорундагы оңдоо иштерине байланыштуу 19-февралда Бишкектин жана Чүй облусунун айрым аймактарында электр жарыгы өчүрүлөт. Бул тууралуу "Түндүк электр" ишканасынын басма сөз кызматы билдирди.

Маалыматка ылайык, саат 09:30дан 18:00гө чейин Бишкек шаарындагы Күрөңкеев, Тыныстанов көчөлөрү, Эркиндик бульварынын айланасында электр жарыгы өчөт. Ал эми саат 09:00дөн 14:00гө чейин Жибек-Жолу, Алматы, Будённый, Т.Айтматов, Салиева көчөлөрүндө электр жарыгы өчүрүлүшү мүмкүн.

Ошондой эле Чүй облусуна караштуу Аламүдүн районундагы Лебединовка (Мичурин, Восточная, Ленин, Жеңиш, Северная, Киров, Комсомол, Октябрь, 8-Март, 9-Май, Пионер көчөлөрү) Восток (Сейтек, Семетей көчөлөрү), Пригородное (Горький, Маяковский, 1-Май, Береговая, Садовая, Сибирь) айылдарында жарык өчөт.

Мындан сырткары Сокулук районуна караштуу Сокулук айылында, (Совет, Токтогул, Ленин, Калинин, Свобода, Фрунзе, Новая, Мельничная, Вокзал, Железнодорожная, Полевая жана Белинский көчөлөрү), 1-Май айылы, Шопоков шаарында (Геофизика, Геология, Южная көчөлөрү) жарык өчөт. Жайыл районундагы Кара-Балта шаарындагы (Пальмир Талияки, Октябрь, Железнодорожная, Энергетик, Токтогул, Заводская, Новороссийск, Фурманов, Целинная, Павлик Морозов көчөлөрү), Ысык-Ата районундагы Кант шаарында (Октябрдын 50 жылдыгы, Гагарин, Мичурин, Абрикосов, Шолохов, Парк, Комсомол, Зубков, Меркулов, Мирная көчөлөрү), Люксембург айылында (Ваккер, Западная, Токмок, Совет, Кыргыз, Тельман көчөлөрү) жарык өчөт.