Бишкекте жеңил өнөр жай ишканаларынын продукцияларынын көргөзмөсү ачылды

Көргөзмө-жарманкеге коюлган кол өнөрчүлөрдүн эмгектери.

Көргөзмө-жарманкенин ачылыш аземи бир катар кийим тигүүчү ишканалардын кийимдеринин көргөзмөсүнөн башталды.

Көргөзмөнүн расмий ачылышында кызыл тасма кесилди.

Көргөзмөгө коюлган ата мекендик ишканалардын кийим-кечелери.

"Легпром" жеңил өнөр жай ишканалар ассоциациясынын жетекчиси Сапарбек Асанов.

Көргөзмөгө коюлган ата мекендик ишканалардын кийим-кечелери.

Бул заманбап кийим тигүүчү машиналар Германиядан алынып келген, алардын баасы 18 миң евродон 23 миңге чейин экен.

Кийим-кече тигүүчү жабдуулар.

Көргөзмөгө коюлган ата мекендик ишканалардын кийим-кечелери.

Бүгүн, 11-мартта борбор калаадагы Спорт Ордосунда "Мода индустриясы: буюмдар жана жабдыктар-2015" 9-Эл аралык көргөзмө-жарманкеси расмий түрдө ачылды. Аталган көргөзмөгө былтыр тигүү тармагында иштеген 54 ишкана катышса, быйыл алардын саны 120дан ашты.

Иш-чара бир катар кийим тигүүчү ишканалардын эмгектеринин көргөзмөсүнөн башталып, андан соң кызыл тасма кесилди. Жарманке-көргөзмөнүн ачылышына бир катар министрликтердин, шаардык мэриянын жана тиешелүү мекемелердин өкүлдөрү катышты. "Легпром" жеңил өнөр жай ишканалар ассоциациясынын жетекчиси Сапарбек Асанов өз сөзүндө быйыл катышкан ишканалардын саны өскөнү өнүгүүгө ыңгайлуу шарттардын түзүлүп жатканынан кабар берерин айтты.

"Бул көргөзмөнүн негизги максаты - тигүү тармагында иштеген ишканалар менен сатып алуучулар жана соода түйүндөрү менен келишим түзүүгө шарт түзүү, тигүү тармагындагы технология жана дизайндын соңку тенденциялары жөнүндө маалымат алуу. Ошондой эле алты күндүк жарманкенин алкагында шаар тургундары жана коноктору сапаттуу жана өтө кымбат эмес кийим-кече ала алышат",- деди С.Асанов.

Көргөзмөгө бир гана кийим-кече эмес, Индиядан алынып келген кездемелер, Германиядан алынган тигүүчү шаймандар, кол өнөрчүлөрдүн эмгектери, токулган буюмдар, бут кийим, тамак-аштын түрлөрү коюлду.

Айта кетсек, текстиль жана кийим тигүү өнөр жайы учурда өлкөнүн экономикасынын алдынкы тармактарынын бири болуп саналат. Көргөзмө-жарманке 16-мартка чейин улантылмакчы.