Ноокен районунда 1,5 килограмм баңгизатын алып жүргөн жаран кармалды

11-февралда Жалал-Абад облусунун Ноокен районундагы Масы айылында 1983-жылы төрөлгөн К.З. аттуу жаран 1,5 килограмм баңгизаты менен кармалды. Бул тууралуу бүгүн, 13-февралда ИИМдин басма сөз кызматы билдирди. Тергөө учурунда аталган жаран мурда да баңгизатын мыйзамсыз алып жүргөндүгү үчүн соттолгону аныкталды. Учурда бул иш боюнча кылмыш иши козголуп, кылмышка шектүү убактылуу кармоо жайга камалып, тергөө улантылып жатканы кабарланды.