ЭЛДИК КАБАР: Кытайда кыргыз студенттеринин катышуусунда улуттар аралык фестиваль болуп өттү

Кытайда кыргыз студенттеринин катышуусунда улуттар аралык фестиваль болуп өттү. Мындай маалыматты кечээ, 2-апрелде WhatsApp (+996 557 47-39-39) аркылуу SUPER.KG порталына байланышкан окурман билдирди.

Өзүн Нургазы Каныбаев деп тааныштырган жердешибиз бул фестивалга катышып келгенин айтты. Анын айтымында, фестиваль Гуанчжоу шаарында өткөн. Ага катышкан 15 мамлекеттин катарында Япония, Корея, Индия, Орусия, Казакстан, Өзбекстан, Тажикстан, Вьетнам сыяктуу өлкөлөрдүн өкүлдөрү болгон. “Мен фестивалга катышып келдим. Анда биздин студенттер кыргыздын улуттук тамак-ашын, ыр, бий, каада-салтын көрсөтүп беришти. Мындай фестиваль жыл сайын ушул убакта өткөрүлүп турат”,- дейт окурман.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.