Бишкекте Бүткүл дүйнөлүк ден соолук күнүнө карата иш-чара өтүүдө

Бүгүн, 6-апрелде Бишкектин "Ала-Тоо" аянтында 7-апрель - Бүткүл дүйнөлүк ден соолук күнүнө карата иш-чара өтүүдө. Анда медициналык жактан тейлөө, улгайган адамдарга сый мамиле жасоо боюнча "Улгайган адамдар иш-аракеттерди талап кылышат" деген аталыштагы акция "Мен өзүмө чың ден соолук каалайм" урааны астында өтүүдө. Акциянын жүрүшүндө медицина кызматкерлери катышуучуларды кант диабетин текшерүү боюнча анализден өткөрүп, таразага тартып, кан басымын текшерип жатышат. Иш-чарага саламаттыкты сактоо министри Талантбек Батыралиев катышып, бүгүнкү акциянын катышуучуларына ден соолук каалап өттү.