"ЭЛДИК КАБАРдын" жардамы менен Орусияда "2-апрелден бери дайынсыз" делип жаткан 20 жаштагы Кайратбек кызы Айлара табылды

Орусияда "2-апрелден бери дайынсыз" делип жаткан 20 жаштагы Кайратбек кызы Айлара табылды. Бул тууралуу окурман 13-апрелде WhatsApp (+996 557 47-39-39) аркылуу SUPER.KG порталына билдирди. "Кыздын апасымын" деген Айымгүл аттуу окурмандын айтымында, Айлара 11-апрель күнү Орусиянын Санкт-Петербург шаарындагы курбусунун үйүнөн табылды. "Сиздердин жардамыңыздар менен кызым табылды. Кызымдын курбусу менен чогуу жашаган кыздардын бири SUPER.KG`ге берилген маалыматты окуп калып, кызыма "сени издеп жатышат" деп кабар бериптир",- деди Айымгүл. 
Айта кетсек, кыздын апасы Айымгүл кызы 2-апрелде үйдөн чыгып кеткен боюнча дайынсыз болуп жатканын билдирген болчу. 

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.