Супер-Инфо
super.kg видео
ЭЛДИК КАБАР: Ысык-Көлдө жол кырсыгы болгон жерге “Тез жардам” 40 мүнөттөн кийин келди
Ысык-Көлдө жол кырсыгы болгон жерге “Тез жардам” 40 мүнөттөн кийин келди. Бул тууралуу 15-апрелде окурман WhatsApp (+996 557 47-39-39) аркылуу SUPER.KG порталына билдирди.
“Жол кырсыгы 13-апрель күнү саат 14:00 чамасында Кашат деген айылда болгон. Анда 16 жаштагы бала атасынын унаасы менен менин унаамды сүзүп алып, анын кесепетинен 6 адам жабыркаган. “Тез жардам” чакырган элек, ал 40 мүнөттөн кийин келди. Ал эми Чолпон-Ата шаарындагы ооруканага жабырлануучуларды алып барсак, дарыгерлер кайдыгер мамиле жасашты. Апамдын колун “эч нерсе болгон жок” деп таңып коюшуптур, Бишкектен кароодон өткөндө колу сынган болуп чыкты. Ошондой эле жол-кайгуул кызматкерлери да тиешелүү экспертизаларды өткөрүшкөн жок”,- дейт окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
2
1 |