Президент Өзгөчө кырдаалдар министрлигинин бир катар кызматкерлерине батирлерди тапшырды

Мамлекет башчы Алмазбек Атамбаев бүгүн, 1-июлда Өзгөчө кырдаалдар министрлигинин Куткаруучуларды даярдоо борборунун аскер кызматкерлерине көп кабаттуу үйдөн батирлерди тапшырды. Үйдүн ачкычтарын берүү салтанаты Москва районунун Садовое айылында өттү. Куткаруучуларды кесиптик майрамы менен куттуктаган өлкө башчысы буларды билдирди: "Балдар үчүн аянтча курууга сөз берем, бул үчүн каражат бөлүнөт. Мындан тышкары үйдүн айланасын жашылдандыруу зарыл".

Алмазбек Атамбаев ишиндеги жетишкендиктерин белгилеп, министрликтин 7 кызматкерин атайын кол сааттар менен сыйлады.