Супер-Инфо
super.kg видео
Жаштар Данияр Нарымбаевди камакка алуу талабы менен митингге чыгышат
Эртең, 23-июлда жаштар Башкы прокуратуранын алдына президенттик аппараттын мурдагы жетекчиси Данияр Нарымбаевди камакка алуу талабы менен митингге чыгышат. Уюштуруучулардын бири Мелис Аспековдун SUPER.KG порталына билдиришинче, митинг Нарымбаев камакка алынмайынча улантыла берет. Аспеков Нарымбаевге чара көрүлбөсө, прокуратуранын алдына боз үй тигип, ачкачылык жарыялоого барышарын айтат.
"Биз Нарымбаевди камакка алууну талап кылабыз. Эгерде аткарылбаса, боз үй тигип, ачкачылык жарыялайбыз. Ошондой эле башкы прокурор Индира Жолдубаеванын да кызматтан кетүүсүн талап кылмакчыбыз",- деди активист.
Эскерте кетсек, 15-июлда Жогорку Кеңештин депутаты Хажимурат Коркмазов 100 миң доллар пара менен кармалган. Кылмыш үстүнөн кармалган депутат тергөө учурунда бул ишке Д.Нарымбаевдин катышы бар экенин билдирген. Мындан кийин Нарымбаев "бул ишке тиешем жок" деп билдирүү жасоо менен кызматтан бошотууну суранып президентке кайрылып, президенттин жарлыгы менен 20-июлда кызматтан бошотулду. Депутат Коркмазов учурда СИЗОдо.
Нарымбаевдин бул коррупциялык ишке катыштыгы бардыгын Нариман Түлеевдин кызы Назгүл Түлеева да жарыялады. Экс-мэрдин кызы бул иштин башкы фигуранты Данияр Нарымбаев экенин, Коркмазов ортомчулук кызматты аткарганын айтууда.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
17:51
2025-07-12
22:48
2025-07-11
Рейтинг: 
0
0
чойбой отургузуш керек.
Бир кембагал болгондо
тобосуно торт уруп турмонун торунон орун
бермек.