Криштиану Роналду өзүнүн агентинин үйлөнүү тоюнда арал белек кылды

Испаниянын “Реал Мадрид” клубунун лидери, португалиялык футболчу Криштиану Роналду өзүнүн агенти Жорже Мендешке арал белек кылды. Бул тууралуу бүгүн, 3-августта чет өлкөлүк басылмалар жазып чыгышты.

Маалыматтарга таянсак, Роналду белекти Мендештин үйлөнүү тоюнда тартуулады. “Тойдун меймандарынын арасында “Реал Мадриддин” президенти Флорентино Перес жана клубдун оюнчулары Пепе менен Хамес Родригес болушту. Белек катары берилген арал Грецияда жайгашкан. Бул өлкөнүн ондон ашуун аралдары сатыкка чыгарылган, алардын баалары 3 миллиондон 50 миллион долларга чейин болууда”,- деп айтылат маалыматтарда. 

Айта кетсек, Жорже Мендеш дүйнөлүк футболдогу эң таасирдүү адамдардын бири. Ал Криштиану Роналду, Хамес Родригес, Радамель Фалькао, Анхель Ди Мария, Тьяго Силва жана башка белгилүү футболчулар менен иштешет.