Кикбокс боюнча Азия чемпиондугунда кыргыз спортчулары 11 алтын медалга ээ болушту

Индияда 1-8-август күндөрү кикбокс боюнча Азия чемпиондугу орун алды. Анда спортчулар кикбокстун лоу-кик, К-1 фулл-контакт жана кик-лайт түрлөрүндө күч сынашкан. Кыргыз спортчулары бардык категориялар боюнча беттешке чыгып, 11 алтын медалга ээ болушту. Бул тууралуу Дене тарбия жана спорт мамлекеттик агенттигинен билдиришти.

Мелдештин жыйынтыгында Алексей Федосеев (К-1), Кумар Жалиев, Асхат Акмырзаев (баары
"Гермес-Профи"), Рустам Ибрагимов ("Маралбек"), Икбол Фозилжон уулу, Гайбулло Мамадалиев (экөө тең "Космос"), Чыңгыз Бегматов, Таласбек Нуралиев, Бактыгүл Абдисаламова (баары "Восток", Жалал-Абад), Уланбек Касымбеков менен Адилет Бекжан уулу (экөө тең "Алыш") Азиянын чемпиондору боло алышты. Кыргыз курамасынын активинде дагы 11 күмүш жана 3 коло медаль бар.