"Европанын мыкты футболчусу" наамын Месси, Суарес же Роналду алат (тизме)

УЕФАнын версиясы боюнча "Европанын мыкты футболчусу" наамына 3 негизги талапкер аныкталды. Бул тууралуу бүгүн, 13-августта УЕФАнын басма сөз кызматы жарыялады.

Маалыматка ылайык, "Барселонанын" чабуулчулары Лионель Месси, Луис Суарес жана "Реал Мадриддин" лидери Криштиану Роналду "Европанын мыкты футболчусу" наамын утуп алышы мүмкүн. 27-августта Монако шаарында жеңүүчү ким болору анык болот. Ал эми төртүнчүдөн онунчуга чейин орундарды төмөнкү оюнчулар ээлешти:

4. Жанлуижи Буффон (Италия, «Ювентус»);

5. Неймар (Бразилия, «Барселона»);

6. Эден Азар (Бельгия, «Челси»);

7. Андреа Пирло (Италия, «Ювентус»);

8. Артуро Видаль (Чили, «Ювентус», учурда «Бавария»);

9. Карлос Тевес (Аргентина, «Ювентус», учурда «Бока Хуниорс»);

10. Поль Погба (Франция, «Ювентус»).

Эскерте кетсек, буга чейин аталган наам Лионель Мессиге (2011-жылы), Андреас Иньестага (2012-жылы), Франк Рибериге (2013-жылы) жана Криштиану Роналдуга (2014-жылы) тапшырылган.