Бишкекте эки жыл мурун 8 жаштагы баланы сүзүп, окуя болгон жерден качып кеткен айдоочу кармалды

Бишкекте эки жыл мурун 8 жаштагы баланы унаасы менен сүзүп кеткен айдоочу кармалды. Бул тууралуу бүгүн, 15-августта Бишкек шаардык ички иштер башкы башкармалыгынан билдиришти.

Маалыматка караганда, жол кырсыгы 2013-жылдын 24-ноябрында Пржевальск көчөсүндө болгон. Анда белгисиз айдоочу 8 жаштагы баланы сүзүп, окуя болгон жерден качып кеткен. Анын кесепетинен жабырлануучу ошол жерден каза тапкан. Бул боюнча иликтөө иштери жүрүп, анын негизинде шектүү катары 29 жаштагы В.Денис кармалды.