Ысык-Көл. Караколдо кыз ала качууга каршы акция өтүүдө

Каракол шаарындагы Кызыл жарым Ай коомунун координатору Анара Абдразакованын билдирүүсүнө караганда, Кыргызстанда 60% үй-бүлө ала качуу жолу менен түзүлөт. Бир жылдын ичинде 12 миң кыз ала качууга, 3 миңден ашууну зордуктоого дуушар болот. Буга байланыштуу бүгүн Каракол шаарындагы Касымалы Жантөшев атындагы музыкалык драма театрында зордук-зомблукка каршы акция өтүүдө. "Ала качууга каршыбыз" деген тургундардын баары акцияга келип, атайын китепчеге өз ой-пикирлерин калтырышууда.