Супер-Инфо
super.kg видео
Жылнаама, 23-август: Мындан 65 жыл мурун кыргыз өлкөсүнүн мурунку президенти Роза Отунбаева туулган
* Мындан 65 жыл мурун, 1950-жылы мамлекеттик ишмер, дипломат, укук коргоочу, философия илимдеринин кандидаты, кыргыз өлкөсүнүн мурунку президенти жана КМШдан чыккан алгачкы президент айым Роза Отунбаева Ош шаарында туулган. Орусиянын М.Ломоносов атындагы Москва мамлекеттик университетинин философия факультетин бүтүргөн. Роза Отунбаева 1975-1981-жылдары Кыргыз улуттук университетинде доцент, диалектикалык материализм кафедрасынын башчысы болгон. 2010-жылдын 7-апрелинен тартып Убактылуу өкмөттүн башчысы, Элдик курултайдын Борбордук аткаруу комитетинин төрайымы, 2010-жылдын июль айынан тартып 2011-жылдын 1-декабрына чейин мамлекетибиздин өткөөл кездеги президенти болгон.
* Мындан 1539 жыл мурун, 476-жылы варварлардын соккусунун натыйжасында Батыш Рим империясы ураган. Акыркы императору Ромул Август тактан кулатылып, Римди варвар Одоакр ээлеп алган.
* Мындан 216 жыл мурун, 1799-жылы Санкт-Петербург шаарында бакенбард өстүрүп жүрүүгө тыюу салынган. Бул сунуш император Павел I тарабынан киргизилип, шаар башчысынын макулдугуна ээ болгон.
* Мындан 64 жыл мурун, 1951-жылы Чеченстандын туңгуч президенти Ахмат Кадыров Казакстандын Караганды шаарында туулган. Ахмат Кадыров Чеченстандын Кремлдин өкүмүн тааныган бийлигинин президенти кызматын аркалап турган чагында чечен жикчилдери уюштурган террордук жардыруунун айынан 2004-жылы 9-майда 52 жашында каза болгон23-августта кыргыз өлкөсүндө жана дүйнөдө орун алган окуялар тууралуу кененирээк бул жактан окуй аласыздар.
кошулду
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
9:14
2022-10-25
Рейтинг: 
0
0
Жеке айтышууларга тыюу салынат.