Швециянын Кыргыз Республикасындагы элчисинин дипломатиялык миссиясы бүттү

Тышкы иштер министрлигинин статс-катчысы Данияр Сыдыков бүгүн, 25-августта Швециянын Кыргыз Республикасындагы элчиси Аке Петерсон менен жолугушту. ТИМдин билдиришинче, элчинин кыргыз өлкөсүндөгү дипломатиялык миссиясы бүттү. 

Тараптар Кыргыз Республикасы менен Швециянын ортосундагы кызматташтыктын азыркы абалы жана келечеги, соода-экономикалык байланыштар жана аталган өлкөдөн кыргыз жерине инвестиция тартуу тууралуу пикир алышканы айтылды. Мындан тышкары актуалдуу эл аралык маселелер жаатында сүйлөшүү жүргүзүштү.