Нарында жаштардын форуму өтүп, жаштар саясаты боюнча стратегиянын долбоору талкууланат

Эмгек, миграция жана жаштар министрлиги 27-29-август күндөрү Нарында "Биримдиктүү Кыргызстан" деген темада жаштардын форумун өткөрөт. Максаты - достукту бекемдөө, түрдүү улуттагы жаштардын арасында жалпы жарандык бирдейликти калыптандыруу, улуттар аралык жаңжалдардын алдын алууга чакырык жасоо.

Министрликтен кабарлашкандай, иш-чарага эмгек, миграция жана жаштар министри Айбек Азыранкулов, жаштар иштери боюнча мамлекеттик түзүмдүн өкүлдөрү, коомдук уюмдардын лидерлери, активисттер жана башкалар катышып, анда 2016-2020-жылдарга карата мамлекеттик жаштар саясаты стратегиясынын долбоору талкууланмакчы. Аймактардан келген жаштар Таш-Рабат, Соң-Көл сыяктуу тарыхый жайларды кыдырышат.