Чемпиондор Лигасына катыша турган 32 команда белгилүү болду, арасында казакстандык клуб да бар

27-августка караган түнү ири футболдук беттеш - УЕФАнын Чемпиондор Лигасынын тандоо туру толугу менен аяктады. Бул күнү мелдешке катыша турган 32 команда белгилүү болуп, командалар чүчү кулак ташталуусун күтүшүүдө. Кошумчалай кетсек, чүчү кулак бүгүн 20:45те (Бишкек сааты) орун алат. Анда 32 команда төрт-төрттөн 8 тайпага бөлүштүрүлөт. Бул баскычтагы башкы окуя казакстандык клуб “Астананын” Чемпиондор Лигасынын тайпалык баскычында ойноо укугун алганы болду. Казак футболчулары тандоо турунда Кипрдин “Апоэл” командасын утушту (жалпы эсеп 2:1).

Чүчү кулактын ыңгайы үчүн 32 команда 4 себетке (корзина) бөлүштүрүлдү:

1-себет: “Барселона” (Испания), “Челси” (Англия), “Бавария” (Германия), “Ювентус” (Италия), “Бенфика” (Португалия), ПСЖ (Франция), “Зенит” (Орусия), ПСВ (Голландия).

2-себет: “Реал” (Испания), “Атлетико” (Испания), “Порту” (Португалия), “Арсенал” (Англия), “Манчестер Юнайтед” (Англия), “Валенсия” (Испания), “Байер” (Германия), “Манчестер Сити” (Англия).

3-себет: “Шахтёр” (Украина), “Севилья” (Испания), “Лион” (Франция), “Динамо” (Украина), “Олимпиакос” (Греция), ЦСКА (Орусия), “Галатасарай” (Түркия), “Рома” (Италия).

4-себет: БАТЭ (Беларусь), “Боруссия” (М, Германия), “Вольфсбург” (Германия), “Динамо” (Хорватия), “Маккаби” (Израиль), “Гент” (Бельгия), “Мальме” (Швеция), “Астана” (Казакстан).