Супер-Инфо
super.kg видео
Григорий Лепс, Дима Билан, Вера Брежнева жана "Ottawan" диско-дуэтинин катышуусундагы Эгемендүүлүк күнүнө арналган концерт майрамдык салют менен аяктады
Бишкектеги "Ала-Тоо" аянтында Кыргыз Республикасынын эгемендүүлүгүнүн 24 жылдыгына арналган майрамдык концерт өтүүдө. Кечени Салтанат Саматова менен Турат Касымбеков алып барышууда. 
кошулду
Автор: Айпери Ганыжан кызы
Фото: Нургазы Аматов
20:20. Майрамдык концерттин экинчи бөлүгүн "Ottawan" диско-дуэти ачып берди. Кыргызча "Салам, Бишкек! Ассалому алейкум!" деп саламдашкан дуэттин ырчылары өздөрүнүн хит ырларын аткарышууда. 
1980-жылдары популярдуу болгон франциялык дуэт "Hands Up" ("Give Me Your Heart"), "Crazy Music" сыяктуу ырларын аткарып, чогулган элди бийлетип да жатат.
Андан соң сахнага борбор калаабыз Бишкектин кодун алып жүргөн "Город 312" тобу чакырылды. Топтун солисти Светлана Назаренко: "Өлкөбүз өнүгүп, башка мамлекеттер суктанышсын. Мекендештерибиздин ден соолугу чың болуп, баарыбыз кыргыз жерин сүйүп, өнүктүрөлү. Улуу муундагы мекендештерибиз биз менен сыймыктанышсын. Бүгүн бардык чыгармаларыбызды сиздерге арнайбыз",- деди.
20:52. "Биз туулган жерибиз тууралуу сагынганда ырдаганыбызды өзүбүз гана түшүнөбүз. Ошентсе да биз үчүн Москвада "Город 312" деген ыр жаратып беришти" деген ырчылар "Город 312", "Друзьям", "Сокол", "Останусь" аттуу чыгармаларын аткарышууда.
Колуна скрипка кармап кыргыздын атын дүйнөгө тааныткандардын катарын толуктаган
ырчы, скрипкачы Нурайым Азыкбаева да майрамдык салтанатта чыгармаларын тартуулап жатат.21:05. Орусиялык ырчы Вера Брежнева "Любовь в большом городе", "Реальная жизнь", "Мамочка" жана башка ырларын тартуулап, көрүүчүлөрдү Эгемендүүлүк күнү менен куттуктады.
"Ушундай майрамды сиздер менен бирге өткөрүп жатканыма кубанычтамын. Жүрөгүңүздөрдө сүйүү, үмүт, ишеним" болсун деген ырчы Вера Брежнева аянтка чогулгандар менен бирге "Любовь спасёт мир" аттуу чыгармасын ырдап, көрүүчүлөрдү да бийлетти.
Андан кийин Орусияда өткөрүлгөн "Факел" фестивалынын катышуучулары майрамдык ыр белек тартуулашты.
22:14. Орусиянын Санкт-Петербург шаарынан келген "Сплин" рок-группасы репертуарындагы популярдуу ырларды аткарды. Көрүүчүлөр топтун "Зимовать", "Герой на героине", "Романс", "Моё сердце" жана башка чыгармаларын жандуу уга алышты.
Кыргыз Республикасынын эгемендүүлүгүнө карата уюштурулган концертке дагестандык бийчилер келип, "Лезгинкага" бийлешти.
Кавказдан келген ырчылар майрамдык чыгармасын тартуулап жаткан учур.
22:54. Көпчүлүктүн сүймөнчүлүгүнө ээ болгон ырчы Дима Билан майрамдык концертте ырдап жатат.
22:59. Дима Билан "Я просто люблю тебя" аттуу чыгармасы менен.
23:04. Орусиялык ырчы Дима Билан "Так не бывает" аттуу чыгармасын аткарууда.
23:12. "Ала-Тоо" аянтындагы концертте Дима Билан "Не молчи" аталышындагы чыгармасын аткарып жатат.
23:20. Дима Билан ырдап жатып чечингенге да жетишти. Суу ичип, өзүнүн үстүнө чачкан соң "Небо под ногами" аттуу ырын ырдап жатат.
23:29. Дима Билан "Невозможное возможно" аттуу чыгармасын аткарып жатат.
23:35. "Сахна артында силердин кыйкырык менен сүрөп жатканыңарды угуп турдум. Ушундай жерге чогулуп турганыңыздар жакшы көрүнүш" деген ырчы Дима Билан "На берегу неба" аттуу чыгармасын аткарды.
23:44. Майрамдык концерттин уюштуруучулары өткөрүп келген "Факел" фестивалынын катышуучулары - "Раштав" элдик музыкалык ансамбли чыгармаларын тартуулоодо.
00:00. Эгемендүүлүк майрамына арналган концертте Григорий Лепс "Где-то за тучами" аттуу чыгармасын аткарды.
00:10. Григорий Лепс "Ну и что" аттуу ырын аткарып жатат.
00:16. Ырчы Григорий Лепс "Я тебя не люблю" аттуу ырын тартуулоодо.
00:28. Ырчы Григорий Лепс "Я счастливый" аттуу чыгармасын ырдады.
00:46. Ырчы Григорий Лепс "Небо на ладони" аттуу ырды аткарууда.
00:53. Эгемендүүлүк күнүнө арналган концерт майрамдык салют менен аяктады.
кошулду
Орусия жана Франциядан келген ырчылар "Ала-Тоону" "жарышты"
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
12:14
2025-07-04
19:23
2025-07-02
17:23
2025-07-02
Рейтинг: 
8
8
Эми коргонго даярданып жатам
Аракет кылабыз.