“Охотник” жана “Патриот” каймана аты менен тергөөдө сурак берген күбөлөр сотко келбей коюшту

Депутаттар Камчыбек Ташиев, Садыр Жапаров жана Талант Мамытовго карата козголгон кылмыш иши боюнча “Охотник” жана “Патриот” каймана аты менен тергөөдө сурак берген күбөлөрдүн көрсөтмөлөрү жокко чыгарылат. Мындай чечимди бүгүн, 1-мартта өткөн соттук отурумда сотко төрагалык кылуучу Адылбек Субанкулов билдирди. “Күбөлөр сотко келүүдөн баш тарткандыктан, алардын көрсөтмөлөрү сот ишинде каралбайт”,- деди ал. Айта кетсек, буга чейинки отурумдарда айыпталуучу депутаттардын жактоочулары аталган 2 күбөнү сотко катыштыруу өтүнүчүн билдирген болчу.