Талапкерлердин тизмесинен чыгарылышына байланыштуу соттук отурумга Камчыбек Ташиев катышпай калышы мүмкүн

Бүгүн, 30-сентябрда Бишкек шаарынын Биринчи Май райондук сотунда "Республика - Ата Журт" партиясынын тең төрагасы Камчыбек Ташиевдин БШК тарабынан депутаттыкка талапкерлердин тизмесинен чыгарылышы мыйзамдуу же мыйзамсыз экени каралат. 

Саат 10:00дө баштала турган отурум жарым саатка жылдырылды. Азырынча К.Ташиев келе элек. Анын адвокаты Жыргалбек Бабаев SUPER.KG порталына соттук отурумга Ташиев келбей калышы мүмкүн экенин билдирди.

Эскерте кетсек, Камчыбек Ташиев 26-сентябрда пикир келишпестиктин айынан "Өнүгүү-Прогресс" партиясынын өкүлүн сабап салганы жарыяланган. Факт боюнча кылмыш иши ачылып, териштирүү жүрүп жатканы айтылган эле. 28-сентябрда БШК Камчыбек Ташиевди талапкерлердин тизмесинен чыгарып салган.