Бүгүн Ош - Бишкек унаа жолунда, Жалал-Абад облусунда жол кырсыгынан улам эки адам каза тапты (аты-жөнү)

Бүгүн, 2-октябрда саат 08:00 чамасында Сузак районунун Атабеков айыл аймагына караштуу Бек-Абад айылында Бишкек-Ош унаа жолунун 572-чакырымында күйүүчү май ташуучу унаа менен Фольксваген Гольф үлгүсүндөгү жеңил унаа кагылышты. Бул тууралуу ӨКМнын басма сөз кызматы жарыялады.

Маалыматка ылайык, кырсыктын кесепетинен 2 адам каза болду жана 1 адам жабыркады. Аны "Тез жардам" кызматынын унаасы Сузак райондук ооруканасына алып кетти.

"Күйүүчү май ташуучу унаада бензин болгон эмес, анын айдоочусу такталууда. Фольксваген Гольф үлгүсүндөгү жеңил унаанын (мамлекеттик номери: S19-57U) айдоочусу 1989-жылы туулган Каримбай Аттокуров Ноокен районунун тургуну экени аныкталды. Ал эми каза болгон жүргүнчүлөр Ноокен районунун тургундары Лачын Аттокуров (1991-жылы туулган) жана Гүлүйпа Аттокурова (1955-жылы туулган) экени анык болду. Учурда тактоо иштери жүрүп жатат",- деп билдиришти мекемеден.