Орусияда соттолгон кыргыз жарандарынын саны 1508ге жетти

Орусиянын аймагында кылмыш жасап соттолгон мамлекетибиздин жарандарынын саны 2015-жылдын 1-июлуна карата 1508ди түздү. Муну бүгүн, 14-октябрда Кыргыз Республикасынын Орусиядагы элчилиги Орусиянын Жаза аткаруу федералдык кызматына шилтеме берүү менен билдирди. 

Орусиянын Мамлекеттик Думасынын 2015-жылдын 24-апрелиндеги мунапыс тууралуу токтомуна ылайык, 17-июлда 89 кыргыз жараны мунапыс аркылуу боштондукка чыккан. Мунун 27си СИЗОдон, 51и түзөтүү колонияларынан, 11и Жаза аткаруу инспекциясынан эркиндикке чыккандар. Дагы 33 жаран мунапыс аркылуу абактан бошотулушу мүмкүн экени айтылды.