Кочкор районунда жазуучу Сагындык Өмүрбаевдин эстелиги ачылды

Нарын облусунун Кочкор районунда 14-октябрь күнү жазуучу Сагындык Өмүрбаевдин эстелиги ачылды. Бул тууралуу Маданият министрлигинин басма сөз кызматы билдирди.

Иш-чарага С.Өмүрбаевдин жакындары, Маданият министрлигинин өкүлдөрү, Кыргыз жазуучулар союзунун төрагасынын орун басары Тынчтыкбек Нурмамбетов, акын Меңди Мамазаирова жана жергиликтүү бийлик өкүлдөрү катышышты. Эстелик жазуучунун 85 жылдыгын белгилөөнүн алкагында анын туугандары тарабынан демилгеленип тургузулду. 
Сагындык Өмүрбаевдин «Бороондуу күндөр», «Телегей», «Көк-Жайык», «Улуу Үркүн» аттуу чыгармалары элге кеңири тараган.