Жогорку Сот добуштарды кайра санатуу боюнча "Бүтүн Кыргызстан - Эмгектин" арызын канааттандырган жок

Жогорку Соттун жарандык иштер боюнча соттук коллегиясы бүгүн, 27-октябрда "Бүтүн Кыргызстан - Эмгек" партиясынын арызы боюнча ишти карады. Анда партиянын добуштарды кайра санатуу талабы канааттандырылган жок. 24-октябрда Бишкектин Биринчи Май райондук соту партиянын арызын канааттандырып, БШКны добуштарды кайра саноого милдеттендирген эле. 

Эскерте кетсек, "Бүтүн Кыргызстан - Эмгек" партиясы шайлоодон кийин Ош, Жалал-Абад жана Чүйдөгү айрым шайлоо тилкелеринде добуштарды автоматтык түрдө жана кол менен эсептөөдө ири айырма чыгып жатканын билдирип, аларда кайра санак жүргүзүү талабын коюп келген.