Бүгүн коалициялык көпчүлүккө кире турган фракциялар белгилүү болот

Бүгүн, 2-ноябрда коалициялык көпчүлүккө кире турган фракциялар белгилүү болуусу күтүлүүдө. Расмий маалымат берилгенден кийин коалицияга кирген фракциялар тууралуу кененирээк кабарланарын Жогорку Кеңештин маалымат кызматынан билдиришти.

Өткөн аптада президент Алмазбек Атамбаев көпчүлүк коалицияны түзүү укугун КСДП фракциясына берген. Фракция лидери Чыныбай Турсунбеков коалицияны түзүү үчүн Жогорку Кеңештеги бардык фракциялар менен сүйлөшүүлөр болгонун билдирген эле.