Супер-Инфо
super.kg видео
ЭЛДИК КАБАР: Эстакадалык көпүрөдөн суу агып жатат (фоторепортаж)
Оштогу эстакадалык көпүрөнүн курулуп бүткөнүнө бир апта болбой жатып көпүрөдөн суу агып жатат. Бул тууралуу окурман 3-ноябрда SUPER.KG'ге WhatsApp аркылуу билдирди. Анын билдиришинче, азырынча буга чара көргөн эч ким жок. "Көпүрөнүн астында оңдоп-түзөө иштеринин жүрүп жатканына карабай көпчүлүк жарандар унааларын токтотуп салышыптыр. Бул көрүнүш жумушчулардын ишине тоскоолдук жаратып жатат",- деди окурман.
Ошондой эле тепкичтерге төшөлгөн кафелдердин жараксыздары алынбай жатканын кошумчалады. "Кечээ эле көпүрөнүн тротуарларынын үстүндөгү таш төшөлгөлөр (брусчаткалар) чөгүп, тепкичтерге төшөлгөн кафелдердин айрымдары сынып калган эле. Аны кечээ, бүгүн калыбына келтиришкен, бирок жарактан чыккан кафелдерди алып коюшпай, ошол бойдон таштап салышыптыр. Аны ары-бери өткөндөр тебелеп жатышат",- деп айтты ал.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
-2
1 | 2 |