Ысык-Көлдүн Бөкөнбаев айылында жергиликтүү кеңештин депутаттарына юридикалык маселелер боюнча семинар өткөрүлдү

Ысык-Көл облустук юстиция башкармалыгы Тоң районунун Бөкөнбаев айылында айылдык кеңештердин төрагаларынын жана айыл өкмөтүнүн жооптуу катчылары үчүн семинар өткөрүштү. Семинарда талкууланган темалар: "Жергиликтүү өз алдынча башкаруунун аткаруучу-тескөөчү органдарынын кызмат адамдарынын нотариалдык иштерди жүргүзүүсүнүн тартиби", "Айылдык жана шаардык кеңештер тарабынан
ченемдик-укуктук актыларды каттоо тартиби", "Мамлекет кепилдеген юридикалык жардам берүү жол-жобосу", "Айылдык кеңештердин токтомдорун Ченемдик-укуктук актылардын бирдиктүү мамлекеттик реестрине киргизүү тартиби".

"Катышуучулар тарабынан айылдык жана шаардык кеңештердин токтомдоруна юридикалык күч берүү, айрым нотариалдык аракеттерди жүргүзүүдө жергиликтүү өз алдынча башкаруунун аткаруучу-тескөөчү органдарынын ыйгарым укуктары жана мамлекет кепилдеген юридикалык жардам берүүнүн шарттары тууралуу кеңири талкуу болду",- деп билдирет Юстиция министрлиги.