Сокулукта ден соолугунун мүмкүнчүлүгү чектелүү балдар жашаган жайлардын кышка даярдыгы текшерилди

Эмгек жана социалдык өнүгүү министринин орун басары Жылдыз Полотова Сокулук районундагы ден соолугунун мүмкүнчүлүгү чектелүү жарандар жашаган жайлардын кышка даярдыгын текшерди. "Бөлмөнүн температурасы 18-21 градус жылуу, терезелер жылууланган, от казандар иштеп жатат. Министрдин жарлыгына ылайык, мындай текшерүүлөр улам болуп турат",- дейт Полотова.

Министрликтен 10-ноябрда билдиришкендей, аталган жайларда балдар менен психолог, логопед иштешип жатканы, турмуш-тиричиликтик багыттагы атайын бөлмө ачылып, балдар тамак даярдаганды, өзүн өзү тейлегенди үйрөнүп жатышканы айтылды.