Супер-Инфо
super.kg видео
Адвокат: “Ак үйдүн “7-кабатынын” демилгеси менен №50-СИЗОдон качыруу уюштурулган”
“Ак үйдүн “7-кабатынын” демилгеси менен №50-СИЗОдон качыруу уюштурулган”,- деген пикирин бүгүн, 17-ноябрда тегерек столдун жүрүшүндө №50-СИЗОдон качып, ошол эле күнү кармалган Музаффар Уринов менен Болот Курбанахуновдун адвокаты Номанжан Аркабаев билдирди.
“СИЗОдон качкандарды өлтүрүүгө тапшырма берилгени ачык көрүнүп турат. Бийликтин айрым өкүлдөрү мародёрчулук боюнча бардык издерди жок кылууга кызыкдар болушкан”,- деди адвокат.
Эскерте кетсек, 11-октябрдан 12-октябрга караган түнү Чүй облусунун Төмөнкү-Нооруз айылындагы №50-түзөтүү колониясынан 9 кылмышкер абактын кызматкерлерин муунтуп өлтүрүп, качып кеткен. Булардын ичинен 5 кылмышкер ошол эле түнү МАИ тарабынан колго түшүрүлгөн.
16-октябрда качкын кылмышкерлердин бири Данияр Кадыралиев түшкө маал Дордой конушунда өлтүрүлгөн. 20-октябрда кылмышкерлердин экинчиси Азамат Мусуралиев Сокулук районунун Арал айылы тараптан жок кылынган.
22-октябрда Чүй облусунун Аламүдүн районундагы Ала-Тоо айыл аймагында Эдил Абдрахманов тирүү кармалган. Ушул эле күнү кечинде Бишкектеги Достук конушунда Алтынбек Итибаев 2 саатка созулган атышуу учурунда ок тийип каза тапкан.
Мындан тышкары аталган абактан качып баратканда кармалгандар: Таалайбек Жуманов, Бакыт Кенжегулов жана Муратбек Жумалиев 21-22-октябрь күндөрү түрмөдө каза болушкан.
Ал эми колониядан качып баратканда кармалган Болот Курбанахунов жана Музаффар Уринов учурда абакта.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
12:11
2025-07-11
Рейтинг: 
0
0
Супер инфонун кабарчысынын камерасындагы видеону да очуруп салган окшойт же ал видео чыктыбы?
Мазактаган билдирүүлөргө тыюу салынат.
Такталбаган маалымат жазып кимдир бирөөлөрдүн кадыр-баркына шек келтирген билдирүүлөргө тыюу салынат.