Ак-Жар жаңы конушу Бишкек шаарына кошулуп жатат

Бүгүн, 11-мартта Бишкек шаардык кеңешинин кезексиз жыйыны өтүүдө. Ага катышып жаткандардын бири, шаардын вице-мэри Төрөбек Имашов жаңы конуштардын абалына токтолду. Айтымында, конуштарга шаардык бюджеттен 100-150 миллион сом бөлүнөт. “Бул каражаттар мектептерди куруу, жолдорду оңдоо, көмөк чордондорду орнотуу сыяктуу инфраструктуралык жана коммуникациялык иштерге жумшалат”,- деди ал. Борбор калаада 47 жаңы конуш бар экенин айткан вице-мэр Ак-Жар конушу Бишкек шаарына кошулуп жатканын кошумчалады.