Темир Сариев: "Биздин футболчулар мыкты оюн көрсөтүштү"

“Бүгүн силер мыкты жана кызыктуу оюн көрсөттүңөр. Оюнду баарыбыз толкундануу жана сыймыктануу менен көрдүк. Жеңиш менен куттуктайм!”- деди премьер-министр Темир Сариев өлкөбүздүн футбол боюнча улуттук курамасынын оюнчуларына.

Өкмөт жетекчиси улуттук кураманы колдоо зарылдыгын белгилесе, футболчулар премьер-министр баштаган бардык күйөрмандарга ыраазычылык билдиришти.

Эскерте кетсек, 17-ноябрда Темир Сариев баштаган өкмөт мүчөлөрү 2018-жылдагы Дүйнө чемпиондугунун тандап алуу этабынын алкагында Бишкектеги Дөлөн Өмүрзаков атындагы стадиондо өткөн Кыргыз Республикасы жана Иорданиянын футбол боюнча курама командаларынын оюнун көрүп, улуттук курамага күйөрмандык кылды.