Жогорку Кеңештин депутаттары Ош облусунда жер титирөөдөн жапа чеккендерден кабар алууга барышат

Жогорку Кеңештин депутаттары 21-ноябрда Ош облусунда жер титирөөдөн жапа чеккен элден кабар алууга барышат. Төрага Асылбек Жээнбеков бүгүн Жогорку Кеңеште депутаттык фракцияларга кайрылып, кайсы депутат бара турганын чечүү керектигин айтты. Жээнбеков өкмөт жер титирөөдө зыянга учураган аймактарда болуп, келтирилген чыгымдарды тактоо аракетин көрүп жатканын белгилеп, мамлекет чыгымдарды төлөп бере турганын айтты.