Супер-Инфо
super.kg видео
№50-СИЗОдон качкан кылмышкерлер тууралуу маалымат үчүн 1 миллион сом эч кимге берилбей турган болду
№50-СИЗОдон качкан 4 кылмышкердин кайда жүргөнү тууралуу маалымат үчүн убадаланган 1 миллион сом өлчөмүндөгү сыйлык эч кимге берилбей турган болду. Бул тууралуу бүгүн, 24-ноябрда SUPER.KG порталына ИИМдин басма сөз кызматынан билдиришти. Маалым болгондой, 4 качкын кылмышкердин ар биринин кайсы жерде жүргөнүн милиция кызматкерлери өздөрү тинтүү иштери аркылуу аныкташкан.
Эскерте кетсек, 11-октябрдан 12-октябрга караган түнү Чүй облусунун Төмөнкү-Нооруз айылындагы №50-түзөтүү колониясынан 9 кылмышкер абактын кызматкерлерин муунтуп өлтүрүп качып кеткен. Булардын ичинен 5 кылмышкер ошол эле түнү МАИ тарабынан колго түшүрүлгөн. Калган 4 кылмышкерлер тууралуу маалымат үчүн ИИМ 1 миллион сом берилерин жарыялаган.
16-октябрда качкын кылмышкерлердин бири Данияр Кадыралиев түшкө маал Дордой конушунда өлтүрүлгөн. 20-октябрда кылмышкерлердин экинчиси Азамат Мусуралиев Сокулук районунун Арал айылы тараптан жок кылынган.
22-октябрда Чүй облусунун Аламүдүн районундагы Ала-Тоо айыл аймагында Эдил Абдрахманов тирүү кармалган. Ушул эле күнү кечинде Бишкектеги Достук конушунда Алтынбек Итибаев 2 саатка созулган атышуу учурунда ок тийип каза тапкан.
Мындан тышкары аталган абактан качып баратканда кармалгандар: Таалайбек Жуманов, Бакыт Кенжегулов жана Муратбек Жумалиев 21-22-октябрь күндөрү түрмөдө каза болушкан.
Ал эми колониядан качып баратканда кармалган Болот Курбанахунов жана Музаффар Уринов учурда абакта.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
16:58
2025-07-14
Рейтинг: 
-2
-2
ким эмне деп убада берип эмнени аткарып койду?
Акимден баштаган президентке чейин эмне деген убадаларды беришет.Аткарылбай эле турат го.
Сабак болот элге...