Жарык орнотулбаган жана соода түйүндөрүнө айланган Бишкектин жер алдындагы өтмөктөрү (фото)

Бишкектин бир катар көчөлөрүндөгү жер алдындагы өтмөктөр жөө жүрүүчүлөрдүн коопсуздугу үчүн курулган. Унаалар көп токтогон жерлерде же кең көчөлөрдөн өтүү ыңгайсыздык жаратпаш үчүн салынган айрым өтмөктөрдү бүгүнкү күндө колдонгон жарандар аз. Чүй-Абдрахманов, Чүй-Манас жана Токтогул-Бейшеналиева көчөлөрүндөгү жер алдындагы өтмөктөрдө жарык орнотулганы менен, калгандарына мэриянын көңүл бурууга чамасы жоктой сыяктанат.

Дэн Сяопин жана Фучик көчөлөрүнүн кесилишиндеги жер алдындагы өтмөктө жарык орнотулган эмес. Мындан улам ал жерден өткөн жөө жүрүүчүлөр дээрлик жокко эсе.

Дэн Сяопин жана Фучик көчөлөрүнүн кесилишинен унаалар көп өтөт. Жол чырактан өтүү бир топ кыйынчылыкты жаратат. Жер алдындагы өтмөк күндүз эле караңгы болуп турганда андан кечкисин эч кимдин өтпөгөнү белгилүү.

Борбор калаанын түштүк тарабындагы 9-кичи райондо жайгашкан жер алдындагы өтмөктүн абалы көңүл жылытарлык эмес.

Чыгыш автобекетиндеги жер алдындагы өтмөктү колдонгондор жокко эсе. Бул жердин дубалдарынан ар түрдүү жарыяларды көрүүгө болот.

Чыгыш автобекетиндеги жер алдындагы өтмөк.

Борбордук көчөлөрдө жайгашкан өтмөктөрдө эл көп чогулгандыктан, соода кылгандар көбөйүп, ал жерлер базарга айланып калган. Мындан сырткары ачкыч жасоо, сүрөт чыгаруу сыяктуу түрдүү кызматтар көрсөтүлөт.

Токтогул-Бейшеналиева көчөлөрүнүн кесилишиндеги жер алдындагы өтмөк.

Манас жана Чүй кең көчөлөрүнүн кесилишиндеги жер алдындагы өтмөк.

Манас жана Чүй кең көчөлөрүнүн кесилишиндеги жер алдындагы өтмөк.

Манас жана Чүй кең көчөлөрүнүн кесилишиндеги жер алдындагы өтмөк.Абдрахманов-Чүй кең көчөсүнүн кесилишиндеги жер алдындагы өтмөк.