Бишкектин Көк-Жар конушунда курулуп жаткан бала бакча бир айда бүтөт (фото)

Бишкектин Көк-Жар конушундагы бала бакчаны куруу иштери 31-декабрда бүткөрүлөт. Муну бүгүн, 30-ноябрда калаа мэриясынан билдиришти.

Белгилүү болгондой, №182-бала бакчанын учурдагы куруу иштери менен Октябрь районунун башчысы Болот Алымкулов таанышып чыкты. Бүгүнкү күндө бала бакчаны тургузуу иштери өз нугунда өтүүдө, бир гана аба ырайынын сууктап калышы жумушту кыйындатууда. Кошумчалай кетсек, жаңы мекемеде 280 баланын тарбия алуусуна мүмкүнчүлүк түзүлөт.