Президент жергиликтүү соттордун 12 судьясын кызматтан бошотуп, ордуна 15 судьяны дайындады

Сотторду тандоо кеңеши мамлекет башчы Алмазбек Атамбаевге Чүй облусунун Сокулук, Панфилов, Жайыл, Москва, Аламүдүн райондук жана Токмок шаардык сотунун судьялыгына талапкерлерди дайындоо сунушу киргизилген. Мамлекет башчы алардын айрымдары менен 24-25-ноябрда баарлашып, алгачкы 15 талапкер боюнча Сотторду тандоо кеңешинин сунушуна макулдук берди жана аларды кызматка дайындоо боюнча буйрук чыгарды. Жергиликтүү соттордун судьясы кызматына киришкендер:

Сокулук райондук сотунун судьялыгына: Сулайка Кангелдиева, Кубанычбек Самудинов.

Панфилов райондук сотунун судьялыгына: Айгүл Керимкулова, Тилек Тагаев.

Токмок шаардык сотунун судьялыгына: Канатбек Абдрахманов, Данияр Астаркулов, Жаныбек Монолбаев.

Жайыл райондук сотунун судьялыгына: Наргиза Кувандыкова.

Москва райондук сотунун судьялыгына: Жыпар Абдиева, Нурлан Аджибеков.

Аламүдүн райондук сотунун судьялыгына: Кылыч Байсов, Бакыт Касымалиев, Зульфия Сагитова, Жаныбек Сагыналиев.

Свердлов райондук сотунун судьялыгына: Рустам Саткынбаев.

Президенттин башка буйругу менен Сокулук, Панфилов, Жайыл райондук сотторунун жана Токмок шаардык сотунун 12 судьясы кызматтан бошотулушту.