Алмазбек Атамбаев Бириккен Араб Эмираттарынын Президентин БАЭнин жарыяланган күнү менен куттуктады

Мамлекет башчы Алмазбек Атамбаев Бириккен Араб Эмираттарынын Президенти шейх Халиф бин Зайед аль-Нахайянды Бириккен Араб Эмираттарынын жарыяланган күнү менен куттуктады. “Салттуу достукка жана өз ара пайдалуу кызматташууга негизделген кыргыз-эмират мамилелери элдерибиздин жыргалчылыгы үчүн кыйшаюусуз өнүгүп, чыңдала берет деп ишенем”,- деп белгиленет мамлекет башчынын куттуктоосунда.

Президенттик аппараттан билдиришкендей, Алмазбек Атамбаев Бириккен Араб Эмираттарынын Президентине чың ден соолук, бакыт-таалай жана бакубатчылык, эмират элине тынчтык жана өсүп-өнүгүү каалады.